|
المرة دي هنتكلم عن الماضي....
هل مستعد للارتباط
بشخص كان له ماضي عاطفي
قبل كده؟؟ لأي حد مسموح
لطرف في العلاقة إنه يخبي
الماضي الخاص بيه على
الطرف التاني؟ وهل بيفرق
ماضي عن ماضي ولا كله حاجة
واحدة؟... هل وجود ماضي لطرف
من أطراف العلاقة عائق
في طريق سعادتهم واستمرار
العلاقة دي؟؟؟؟.......
الأسئلة دي موجودة
دايما في أي علاقة وبتتسأل
في كل حتة يعني افتح أي
محطة تلفزيونية على برنامج
ديني أو اجتماعي هتلاقي
أغلب الأسئلة من عينة
"كنت بحب واحد قبله أقول
له ولا لأ؟"، "كنت مخطوبة
قبل كده أصارحه ولا أخبي
عليه؟"، "كنت ماشي في سكة
غلط ودلوقتي متقدم لواحدة
أقول لها ولا لأ؟" وغالبا
الآراء حوالين الموضوع
ده بيحكمها العادات والتقاليد
ونظرة المجتمع أكتر ما
بيحكمها الدين للأسف.
|
